പുരാണങ്ങളേക്കാളും ഐതിഹ്യങ്ങളെക്കാളും ചരിത്രത്തില് വിശ്വസമാര്പ്പിക്കുന്നവന് യുക്തിവാദിയാകുന്നു.അതേ സമയം പുരാണങ്ങളും ഐതിഹ്യങ്ങളും ചരിത്രമായി വ്യാഖ്യാനിക്കപ്പെടുമ്പോള് യുക്തിവാദികള് ചരിത്രകാരന്മാരായിത്തീരുകയും ചെയ്യുന്നു . ക്രിസ്തു മത അധ്യക്ഷന്മാരും ഭക്തന്മാരും സെന്റ് തോമസിന്റെ കേരള പ്രവേശന കഥയെ അന്ഗീകൃതമായ ഒരു ചരിത്ര വസ്തുത ആയി കണക്കാക്കുന്നു.ആ നിലക്ക് അത് ശരിയാണോ എന്ന് ചരിത്രദൃഷ്ട്യാ പരിശോധിക്കേണ്ട ചുമതല ഏറ്റെടുത്തു കൊണ്ടു, കൃത്യവും ശ്രാസ്ത്രീയവുമ് ആഴത്തിലുള്ളതുമായ പഠനം നടത്തിയ വ്യക്തിയാണ് ജോസഫ് ഇടമറുക്.അദ്ദേഹം എഴുതിയ പുസ്തകമാണ് "സെന്റ് തോമസ് കേരളത്തില് വന്നിട്ടില്ല".പുതുതലമുറക്ക്, പ്രത്യേകിച്ച് ഇന്റര്നെറ്റ് തലമുറക്കായി ഈ ചരിത്രകാരനെ പരിചയപ്പെടുത്തുന്ന ദൗത്യം ഞാന് ഏറ്റെടുക്കുകയാണ് .ക്രിസ്തുവിന്റെ പ്രധാന ശിഷ്യന്്മാര്് നടത്തിയ മത പ്രചാരണത്തിന്റെ കഥയെന്ന വിശ്വാസത്തിലാണ് 'അപോസ്തല പ്രവൃത്തികള്' എന്ന പുസ്തകം രചിക്കപ്പെട്ടിട്ടുള്ളത്.ശിഷ്യന്മാരുടെ കൂട്ടത്തില് ഒരു തോമസിനെ ഈ പുസ്തകത്തില് സൂചിപ്പിക്കുന്നുണ്ഠെങ്കിലും ഈ തോമസ് എവിടെയെങ്കിലും മതപ്രചാരണം നടത്തിയതായി അതില് പറയുന്നില്ല.റോമന് കാത്തോലിക്കരും പാശ്ചാത്യര് മിക്കവാറും സെന്റ്തോമസിന്റെ കേരളത്തിലെ മത പ്രചാരണ കഥ നിഷേധിക്കുന്നവരാണ്.റോമന് കാത്തോലിക്ക സഭ ഔദ്യോഗികമായി സെന്റ് തോമസ് കേരളത്തില് വന്നു എന്ന് സമ്മതിക്കുന്നില്ല എന്ന്,ആറാമന് മാര്പ്പാപയുടെ പ്രസംഗമുദ്ധരിച്ചു ഇടമറുക് പുസ്തകത്തില്പറയുന്നുണ്ട് .
'യൂദ തോമയുടെ നടപടികള്' എന്ന ഗ്രന്ഥത്തില് തോമ പോയ സ്ഥലം ഇന്ത്യ ആണെന്ന് പറയുന്നുന്ടെങ്ങിലും ഇന്ത്യയിലെ ഇടങ്ങളെന്ന് പറയപ്പെടുന്ന , കരിഷ്, മിഗ്ദോനിയ, സിഫോര് എന്നീ സ്ഥലങ്ങള് ഒന്നും തന്നെ ഇന്ത്യന് നാമങ്ങളല്ല. കേരളത്തിലാണ് ഈ കഥ നടന്നതെന്നതിനെ കുറിച്ചുള്ള വിവരമോ, 7പള്ളികളുടെ കാര്യമോ, നമ്പൂതിരിമാരെ മാര്ഗത്തില് ചേര്ത്ത കാര്യമോ അതിലെവിടെയും സൂചിപ്പിചിട്ടുപൊലുമില്ല. അത് കൂടാതെ അക്കാലത്ത് അമേരിക്കയിലുള്ള ഒരു വലിയ പ്രദേശവും ഏഷ്യയുടെ ഒരു വലിയ ഭാഗവും അതായത് ഭൂഗോളത്തിന്റെ ഒരു വലിയ ഭാഗം ഇന്ത്യ എന്നാണു അറിയപ്പെട്ടിരുന്നതും.ഇന്ത്യയിലെ മസ്ദായി രാജാവിന്റെ രാജ്യത്ത് വെച്ചാണ് തോമാശ്ലീഹ മരിച്ചതെന്നാണ് 'യൂദതോമയുടെ നടപടികളില്' പറയുന്നത് .എന്നാല് മസ്ദായി ഒരു ഇന്ത്യന് ദേശമല്ല. സെന്റ് തോമസ് ഇന്ത്യയില് വന്നു എന്ന കെട്ടുകഥയുടെ ആദ്യ കുരുക്കു ഇടമറുക് അഴിക്കുന്നതിങ്ങനെയാണ്.
ഭൂമിശാസ്ത്ര വിജ്ഞാനമില്ലാത്തവന്റെ പുലഭ്യങ്ങളാണ് സെന്റ് തോമസിനെ കുറിച്ചുള്ള വിവിധ കൃതികളിലും എഴുതപ്പെട്ടിട്ടുള്ളതെന്നു എഴുത്തുകാരന് ഓരോ കഥയും പ്രത്യേകം പരാമര്ശിഛു വിശദീകരിക്കുന്നുമുണ്ട് പുസ്തകത്തില്.അതിലൊന്നാണ് താഴെ കൊടുക്കുന്നത്.
"ഇന്ത്യയില് വെച്ച് മരണമടഞ്ഞ സെന്റ് തോമസിന്റെ മൃതദേഹം ഏതാനും വര്്ഷന്ഗല്ക്കുള്ളില്് എടെസയില് എത്തിയെന്നാണ് വിശ്വാസം. എദെസായ്ല്് വച്ച് വ്യാപാരികള് അസ്ഥി നല്കിയപ്പോള് മെത്രാപ്പോലീത പെരുന്നാള് കഴിക്കാന് ആജ്ഞ നല്കിയെന്നും, രാജാവ് പള്ളി പണിയിച്ച്ചുവെന്നും പറഞ്ഞത് സഭ ചരിത്രകാരനായ പാറേട്ടു തന്നെയാണ്. എന്നാല് എടെസായില്, 'മെത്രാന്' എന്ന പടവിയുണ്ടായത് രണ്ടാം ശഃതകത്തിലാണ്. ഏതാണ്ട് എഡി 165നോടടുത്ത് മൃതദേഹം അവിടെയെത്തി എന്ന് വേണം കരുതാന്. എന്നാല് ക്രിസ്ത്യാനികള് പറയുന്ന പാരമ്പര്യം ശഃരിയാണെന്കില്് എഡി 70നടുത്താണ് മാര്ത്തോമ ശ്ലീഹ വധിക്കപ്പെട്ടത്. അദ്ധേഹത്തെ വധിച്ച രാജാവ് കല്ലറ തുറന്നപ്പോള് അത് എടെസായിലേക്ക് മാറ്റപ്പെട്ടു എന്ന് തിരിച്ചറിയുകയും ചെയ്തു . എന്ന് വെച്ചാല് പത്തു ഇരുപതു വര്ഷത്തിനകം അത് നടക്കണം . AD 165വരെ അന്നത്തെ രാജാവ് ജീവിച്ചിരിക്കില്ല.എടെസായിലെ ക്രിസ്തുമതത്തിന്റെ ചരിത്രവുമായി ഒപ്പിക്കാനാണ് അസ്ഥി കൊണ്ടുപോയ തീയതി മാറ്റിയത്.അപ്പോള് നടപടി ക്രമത്തിലെ കഥയുമായി പൊരുത്തക്കേട് വന്നു.ഇങ്ങനെ ഭൂമിസാസ്ത്രപരമായും സമയശാസ്ത്രപരമായും നിരവധി പോരുത്തക്കെടുകളുള്ള കഥയായി പുസ്തകത്തിലുടനീളം സെന്റ് തോമസിന്റെ കേരള സന്ദര്ശന കഥയെ ചരിത്രകാരന് ചോദ്യം ചെയ്യുന്നുണ്ട്.
എടെസായിലെ ചീയാത്ത ശരീരം, ഒര്ത്താനോയിലെ തലയോട്ടിയുല്പ്പെടെയുള്ള അസ്ഥിക്കൂടം, പത്മൂസിലെ തലയോട്ടി എന്നിങ്ങനെ മൂന്നു സ്ഥലങ്ങളിലായി മാര്തോമായുടെ ഭൌതികാവസിഷ്ടങ്ങളുണ്ട്.അതിനു പുറമേ ഇറ്റലിയിലെ മൂന്നു സ്ഥലങ്ങളിലും ഈ ഭൌതികാവസിഷ്ടങ്ങള് കാണപ്പെടുന്നു .അപ്പോള് ആകെ ആറെണ്ണമായി.ഇതിനു പുറമേ മുസലിലും മദ്രാസിലെ മൈലാപൂരിലും അസ്ഥിക്കൂടം കണ്ടെത്തിയിരിക്കുന്നു. അങ്ങനെ 9 ശഃരീരന്ഗളുള്ള വിചിത്ര കഥാപാത്രമാണ് തോമാശ്ലീഹ.
ഭൂമിശാസ്ത്രപരമായും സമയശാസ്ത്രപരമായും ഈ കഥക്ക് ചരിത്രത്തിന്റെ പിന്ബലമില്ല എന്നതിന് പുറമേ ഭാഷാശാസ്ത്രപരമായും ഇതൊരു കെട്ടുക്കഥയാണെന്നു ഇടമറുക് പുസ്തകത്തില് കൃത്യമായി വിശദീകരിക്കുന്നുണ്ട്.
തോമസിന്റെ കേരള സന്തര്ശനത്തെ കുറിച്ച് ഒന്നാം നൂറ്റാണ്ടിലെഴുതിയ മലയാളം പാട്ടാണ് തോമസ് കേരളത്തില് വന്നിട്ടുന്ടെന്നതിനു തെളിവായി കാണിച്ചു കൊണ്ട് , സഭാമേധാവികള് വിശ്വാസികളെ പറ്റിക്കുന്നത്.എന്നാല് ഒന്നാം ശഃതകത്തില്് കേരളത്തില് മലയാളം എന്ന ഭാഷയില്ല എന്ന് അവര്ക്കറിയില്ലല്ലോ. മലയാള ഭാഷ പില്കാലത്ത് രൂപപ്പെട്ടു വന്നതാണ്.അത് കൂടാതെ പോര്ച്ചുഗീസുകാരുടെ വരവിനു ശേഷം മാത്രം കേരളത്തില് പ്രയോഗത്തില് വന്ന "കുരിശു", 16ആം നൂറ്റാണ്ടില് പ്രയോഗത്തില് വന്ന "ക്രിസ്ത്വാബ്ദം" തുടങ്ങിയ വാക്കുകള് ഈ പാട്ടില് ഉപയോഗിച്ചിരിക്കുന്നു. കൂടാതെ സെന്റ് തോമസ് വന്ന കാലത്ത് കേരളത്തിലെ രാജാക്കന്മാര് മരുമക്കത്തായക്കാരായിരുന്നു എന്ന സൂചനയും പാട്ടിലുണ്ട്.എന്നാല് അക്കാലത്ത് മക്കത്തായമായിരുന്നെന്നും പാട്ടില് പരാമര്ശിച്ചിട്ടുള്ള മെത്രാന്മാരും രംബാന്മാരും അക്കാലത്ത് ഉണ്ടായിരുന്നില്ല എന്നുള്ള ചില വസ്തുതകളും ഇടമറുക് ചൂണ്ടിക്കാണിക്കുന്നുണ്ട് .അതുപോലെ 'നാണമില്ലാത്ത നായന്മാര്' എന്ന ചില കടുത്ത പ്രയോഗങ്ങളും പാട്ടിലുണ്ട്.പോര്ച്ചുഗീസ് ഗ്രന്ഥകാരന്മാര് പ്രകടിപ്പിക്കുകയും എഴുതുകയും ചെയ്ത ശൈലിയാണിത്. ഈ ശൈലിയും പദപ്രയൊഗന്ഗളുമെല്ലാം കാണിക്കുന്നത് പോര്ച്ചുഗീസ് വരവിനു ശേഷം മാത്രമാണ് ഈ പാട്ട് എഴുതപ്പെട്ടിട്ടുള്ളതെന്നും ഇടമറുക് സ്ഥാപിക്കുന്നു .
കേരളം സന്ദര്ശിച്ച 'സെന്റ് തോമസ് കഥക്ക്' ഒരു നിലനില്പുമില്ലാത്ത സാഹചര്യത്തില് ആ കഥക്ക് പിന്നിലെ ഉദ്ദേശഃമെന്തെന്നും ലേഖകന് വിശദീകരിക്കുന്നുണ്ട്.പോര്ച്ചുഗീസ് സാമ്രാജ്യം ഇന്ത്യയിലും ചൈനയിലും അമേരിക്കയിലും അടിച്ചേല്പ്പിക്കുന്നതിനും അതുവഴി ചൂഷണവും കൊള്ളയും നടത്തുന്നതിനും വേണ്ടി അവര് മെനഞ്ഞെടുത്തതാണ് സെന്റ് തോമസ് കഥയെന്നാണ് ഇടമറുകിന്റെ നിരീക്ഷണം. കേരളത്തിലെ നാട്ടു ക്രിസ്ത്യാനികളെ ഭരണത്തില് കൊണ്ട് വരാനുള്ള രാഷ്ട്രീയാന്തരീക്ഷം ഈ കഥ സൃഷ്ടിക്കുന്നുണ്ട്.ലോകം ചുറ്റിയിരുന്ന പോര്ച്ചുഗീസുകാര്ക്ക് യുദ്ധം ചെയ്യാനും കച്ചവടം നടത്താനും, നന്നായി അറിയാമായിരുന്നെന്നും ഇടമറുക് പറയുന്നു.
കേരളത്തിലെ ക്രിസ്ത്യന് ചരിത്രത്തെക്കുറിച്ച് നമുക്ക ലഭിച്ചിട്ടുള്ള ഏറ്റവും വസ്തു നിഷ്ടമായ രേഖ 'കോസ്മോസ് ഇന്ടികോം പ്ലെവൂസ്താസ്' എന്ന സഞ്ചാരിയുടെ റിപ്പോര്ട്ടാണ് .നാലാം ശതകത്തിനും ആറാം ശതകത്തിനും ഇടക്കാണ് കേരളത്തില് ക്രിസ്തുമതം എത്തിയതെന്നും ഈ രേഖയില് പറയുന്നു.എന്നാല്, സെന്റ് തോമസ് ഇവിടെ മതം പ്രസംഗിച്ച ഒരു വരിപോലും ഈ രേഖകളില് പറയുന്നില്ല. അതുകൂടാതെ "മാര്ത്തോമ ക്രിസ്ത്യാനികള്" എന്ന പദവും മാര്ത്തോമപാരംബര്യവും പതിമൂന്നാം ശഃതകത്തോടുകോടിയാണു കേരളത്തില് രൂപപ്പെട്ടതെന്നും ഗ്രന്ഥകാരന് പുസ്തകത്തില് സ്ഥാപിക്കുന്നു. എ ഡി നാലാം നൂറ്റാണ്ടിനു മുന്പ് നമ്പൂതിരിമാര് കേരളത്തില് ഉണ്ടായിരുന്നില്ല എന്ന് ചരിത്രം വ്യക്തമാക്കുന്ന സാഹചര്യത്തില്, ഒന്നാം നൂറ്റാണ്ടില് വന്ന സെന്റ് തോമസ് എങ്ങിനെയാണ് നമ്പൂതിരിമാരെ മാര്ഗം കൂടിക്കുന്നതെന്ന രസകരമായ വസ്തുത ലേഖകന് പങ്കുവേക്കുന്നുന്ടു .അത്കൊണ്ട്തന്നെ 'നമ്പൂതിരിമാരെ' മാറ്റം ചേര്ത്ത കഥ രൂപപ്പെടുന്നത് പോര്ച്ചുഗീസുകാരുടെ വരവോടെയാനെന്നും ഇടമറുക് പറയുന്നു .
ബ്രാഹ്മണരെ മതം മാറ്റിക്കുക മാത്രമല്ല, ശിവക്ഷേത്രം പള്ളിയാക്കുക കൂടി ചെയ്ത കാര്യം റമ്പാന് പാട്ടില് പറയുന്നുണ്ട്.ഒന്നാം ശഃതകത്തില്് ഇന്നത്തേത് പോലെ കേരളത്തില് ക്ഷേത്രങ്ങളില്ലായിരുന്നു എന്നുള്ള കാര്യവും പതിനാറാം ശതകത്തിനു ശേഷം കള്ളക്കഥകള് രചിച്ച്ചവര്ക്ക് അറിയാമായിരുന്നില്ല.(750ലാണ് കേരളത്തില് ഇന്നത്തെ രീതിയിലുള്ള ക്ഷേത്രങ്ങള് ഉദ്ഭവിച്ചത്. ദ്രാവിഡ ദേവതകളും കാവുകളും ആയിരുന്നു ഒന്നാം ശഃതകത്തില്് കേരളത്തില് ആരാധിക്കപ്പെട്ടിരുന്നത്).
പുസ്തകത്തിന്റെ 17ആം അധ്യായത്തില് ക്രിസ്തു മതത്തിന്റെ കേരളത്തിലെ ഉദ്ഭവത്തെ കുറിച്ചും വളര്ച്ചയെ കുറിച്ചും വസ്തുനിഷ്ടമായും ശഃസ്ത്രീയമായും ഗ്രന്ഥകാരന്് വിശദീകരിക്കുന്നു കൂടിയുണ്ട്. ദ്രാവിഡര് പില്ക്കാലത്ത് ബ്രാഹ്മണരായും, ബ്രാഹ്മണരുടെ ആശ്രിതരായ നായന്മാരായും, ക്രിസ്ത്യാനികളായും, മുസ്ലീങ്ങലായും രൂപാന്തരപ്പെട്ടപ്പോള് ഈ പരിവര്തനങ്ങല്ക്കൊന്നും വഴങ്ങാതെ നിന്നവരാണ് ഈഴവരെന്നും തീയ്യരെന്നും പുസ്തകത്തില് സൂചിപ്പിക്കുന്നു .
പോര്ച്ചുഗീസുകാരില് നിന്നാണ് ക്രിസ്ത്യാനികള്ക്ക് കൃഷി ചെയ്യാനുള്ള ഉത്തേജനം കിട്ടിയെന്ന സാധ്യതയും ക്രിസ്ത്യാനികളെ കൃഷി ചെയ്യാന് പോര്ച്ചുഗീസുകാര് സഹായിക്കുകയും അങ്ങനെ പോര്ച്ചുഗീസ് കാലത്ത് സാമ്പത്തികമായി ക്രിസ്ത്യാനികള് അഭിവൃദ്ധിപ്പെട്ടുവെന്നും ഇടമറുക് പറയുന്നു."ക്രിസ്ത്യാനി" എന്ന മത വികാരമുണര്്ത്തി ഇത്തരത്തില് ആ ക്രിസ്ത്യാനികളെ തന്നെ ദുരുപയോഗപ്പെടുത്തി ഇന്ത്യ മുഴുവന് നിയന്ദ്രണത്തിലാക്കുക എന്നതായിരുന്നു പോര്ച്ചുഗീസ് പദ്ധതി.
ഇടമറുകിന്റെ 'തോമാശ്ലീഹ കേരളത്തില് വന്നിട്ടില്ല' എന്ന ഈ പുസ്തകത്തെ പഠിച്ചെങ്കിലും വിശ്വസിച്ചെങ്കിലും ഒരു പള്ളി കാണുമ്പോള് സെന്റ് തോമസിന്റെ ഒരു ചിത്രം കാണുമ്പോള് അറിയാതെ പ്രാര്ത്തിച്ച്ചു പോകും .നൂറ്റാണ്ടുകളായി നടക്കുന്ന "കണ്ടീഷനിംഗ് " എന്ന പ്രക്രിയയുടെ ഫലം ഈ ഇരുപത്തിമൂന്നുകാരിയില് കാണാതിരിക്കുമോ?. ഇടമറുകെന്ന ആ പണ്ഡിതന്റെ പുസ്തകങ്ങള് കൂടുതല് വായിക്കേണ്ടിയിരിക്കുന്നു. ശരിയായ അറിവ് ഇത്തരത്തിലുള്ള ഏതു "കണ്ടീഷനിംഗിനേയും" തകര്ക്കാന് ഉതകുന്നതായിരിക്കുമെന്നു സമാശ്വസിക്കുകയും ചെയ്യുന്നു ഞാന്.